ភ្នំពេញ៖ រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានទទួលការវះកាត់ប្ដូរកែវភ្នែកបានដោយជោគជ័យនៅប្រទេសថៃ។ នេះបើតាមការបង្ហោះលើហ្វេសបុកផ្ទាល់ខ្លួនរបស់លោកនៅថ្ងៃនេះ។
លោករដ្ឋមន្ត្រីឲ្យដឹងថា លោកទទួលវះកាត់កាលពីថ្ងៃទី៣០ ខែមីនា ម្សិលមិញ។
លោករដ្ឋមន្ត្រីសរសេរថា៖ «ខ្ញុំបានទទួលការវះកាត់ដោយជោគជ័យប្តូរកែវភ្នែកទាំង ២ របស់ខ្ញុំហើយ តែពេលនេះពេទ្យនៅបិទភ្នែកខ្ញុំនៅឡើយ ដោយទុកតែមុំគំហើញប្រហែល ១០អង្សា ល្មមនឹងមើលផ្លូវឃើញ និងចំណាំមុខអ្នកគ្រូពេទ្យស្អាតដែលមើលថែខ្ញុំតែប៉ុណ្ណោះ»។
លោករដ្ឋមន្ត្រីបានអរគុណមិត្តភក្តិជិតឆ្ងាយដែលបារម្ភ និងសួរសុខទុក្ខ។
លោករដ្ឋមន្ត្រីថា ព្រឹកនេះពេទ្យនឹងដករបាំងភ្នែក បើអ្វីៗបានល្អ លោកអាចត្រលប់ចូលស្រុកវិញនៅថ្ងៃទី១ មេសា ឆ្នាំ២០២២នេះ៕
